Recientemente, Bon Dia Aruba a combersa cu Sandra Boekhoudt, un consehero financiero cu a tuma e iniciativa pa yuda hende muhe yega na nan metanan financiero. Ayera, Sandra Boekhoudt a pasa oficina di Bon Dia Aruba pa comparti su buki, Wealthy Wise Woman.
Manera ta conoci, Boekhoudt a nace y lanta na Aruba. El a studia International Business and Accountancy, y tin un masters den Finance y Accounting. E tin su propio negoshi como controlador y consehero financiero independiente y actualmente e ta biba na Hulanda.
El a funda Wealthy Wise Women pa yuda hende muhe principalmente, pa yuda comparti conocemento financiero, door di yuda hende muhe compronde cu placa no ta algo pa tin miedo di dje, sino algo pa domina, manera el a conta den un entrevista cu Bon Dia Aruba e siman aki. Su prome buki, Wealthy Wise Woman a bira un bestseller #1 den Managementboek Top 100 na Hulanda, y awo ta obtenible tambe na Aruba.
Danki Sandra!
