Dos piloto di United Airlines cu a wordo aresta pa sospecho di intoxicacion prome cu nan mester a bula 141 pasahero desde Scotland pa Merca lo ta den corte dialuna. Polis di Scotland ta bisa cu nan a aresta e dos pilotonan diasabra na Glasgow Airport y tur dos, 45 & 35 aña di edad lo presenta dilanti di corte na Paisley pa enfrenta cargonan conecta cu leynan di siguridad di transporte di Britania. United Airlines ta bisa cu e vuelo di diasabra di Glasgow pa Merca na cuidad di Newark, New Jersey, tabata tin un tardansa di 10 ora mientras nan tabata buscando otro piloto pa reemplasanan.
Fuente: ABC NEWS
