Secretario (minister) di Labor Mericano, Alexander Acosta, a bisa diabierna cu e lo renuncia di su posicion despues di scrutinio riba su maneho pa un acuerdo secreto na 2008 cu e financiero Jeffrey Epstein, kende ta acusa di abusa sexualmente di mucha muhe menor di edad.

Presidente Donald Trump a anuncia e decision y bisa cu Acosta ta un gran Secretario di Labor. Sinembargo, e mes no a pidi Acosta pa retira di gabinete. Acosta su decision lo ta efectivo den 7 dia.

“Awe nos tin un economia increibel y necesidad di enfoke riba e creacion di trabou”, Acosta a bisa. E ta haya cu no mester a interferi cu su trabou. Principal legislado democrata y candidatonan presidencial a exigi pa Acosta retira for di su trabou pa motibo cu el a kibra ley federal.

Departamento di Husticia ta investigando. Epstein, 66 aña di edad, a yega un acuerdo den secreto pa caba cu investigacion federal di abuso sexual, cu ta involucra 40 mucha muhe hoben. E por bay prizon pa bida. El a declara culpabel y a pasa 13 luna den prizon, y a paga un suma acorda pa e victimanan.

Acosta a purba di haci su nomber limpi, te cu yama un conferencia di prensa pa defende su accion. El a bisa cu e crimen cu Epstein a comete ta horibel y cu evidencia disponibel, Fiscal Federal a insisti cu Epstein bay prizon. Tambe pa e wordo registra como un criminal sexual. “Awo cu mas prueba y testimonio disponibel, New York por ofrece un oportunidad importante pa hib’e dilanti husticia di manera completo.”

 

LEAVE A REPLY

Please enter your comment!
Please enter your name here