Diaranson den careda di 4:15 marduga autoridad ta keda informa cu tin un security di El Gaucho den Wilhelminastraat herida benta abou.
Patruya ta yega di biaha na e sitio y topa cu e homber benta abou cu fractura na pia y tabata keha di dolor. Segun e homber cu ta security di e luga e tabata scucha hende ta cana riba dak di e luga y a dicidi na bay tira un bista wak kico ta pasando. Ora e tabata riba dak pa su sorpresa el a topa cu un homber riba dak di El Gaucho cu un arma di candela, y pa scapa su bida di keda tira e security a bula for di dak y asina cay y fractura su pia. Ta un trahado di e luga cu a scucha e desordo y grito a core sali pafo wak kico ta pasando y bati alarma. Paramedico di ambulance a atende cu e victima y a keda transporta pa hospital.
