(AP) — China a rechasa tur acusacion di presencia di polis den exterior, bisando ayera cu Merca tabata haciendo “acusacionnan sin base” despues cu ley Mericano a aresta dos homber na New York pa establece un warda di polis secreto.
Autoridadnan Mericano a aresta dos homber, identifica como “Harry” Lu Jianwang, 61, y Chen Jinping, 59, ambos ciudadano Mericano, riba dialuna mainta. Bao direccion di un oficial na China, e dos homber supuestamente a set up un warda unda nan tabata ofrece algun servicio basico, manera yuda ciudadano Chines renoba nan rijbewijs. Sinembargo, e warda tambe a asumi rol mas leu cu burocracia ordinario, incluyendo ubica disidentenan Chines bibando na Merca, oficialnan Mericano a bisa.
Departamento di Husticia tambe a acusa 34 agente den Ministerio di Seguridad Publico riba dialuna cu crea y usa miles di cuenta falso riba Twitter y otro plataforma di rednan social pa acosa disidentenan den exterior.
Wang a bisa cu China no ta interferi den soberania di otro pais.
China a mustra cu ta dispuesto pa ataca su propio ciudadanonan hasta despues cu nan a bandona China pa varios motibo, sea politico of economico. AP anteriormente a reporta tocante un muhe Chines cu a keda deteni na Dubai na un facilidad di detencion opera pa China.
Den añanan recien, China ta ehecutando dos campaña separa pa trece sospechosonan, busca mas tanto pa crimen economico, back na China como parti di un accion anti-corupcion. A cuminsa usa su musculonan den exterior pa trece hende back na cas, sea a traves di uso di tratado di extradicion of metodonan inoficial, manera pone presion coactivo riba famia back na China.
“China ta opone firmemente e desprestigio y manipulacion politico di Merca cu maliciosamente a fabrica e narativa di e asina-yama supresion a traves di frontera y descaradamente a enhuicia agentenan di ley Chines,” Wang a bisa.
