Na 2024, e resultado financiero neto di CBA a aumenta na Afl. 70,4 miyon, compara cu Afl. 23,9 miyon na 2023. Esaki tabata e resultado neto mas halto registra desde su incepcion na 1986.

Analisando un periodo di 10 aña (di 2014 pa 2023), ta nota cu e resultado financiero neto averahe di CBA tabata bao di e averahe di Afl. 14,4 miyon durante e periodo menciona. Desde 2019, esaki tabatin un tendencia principalmente riba e averahe menciona di 10 aña, cu excepcion di 2022. Durante e aña eu, CBA a haci operacionnan di restructuracion relaciona cu su portofolio di inversion, cu a resulta den perdidanan realisa pa optimisa su rendabilidad mientras parcialmente mitigando e perdida no realisa (Graph 1).

E resultadonan financiero neto mas halto na 2024, ora ta compar’e cu 2023, tabata causa principalmente pa un aumento den ingreso pa interes (+Afl. 47,0 miyon of +138,6 porciento; mira Table 1), cual tabata impulsa predominantemente pa e aumento den entrada neto di Afl. 49,8 miyon genera pa e portofolio di inversion. E ultimo aki tabata en gran parti pa motibo di reposicion di e portofolio di inversion, den ekivalente di Afl. 510,2 miyon, resultando di compra mas grandi di USD for di banconan comercial, cu a bin for di recibonan eleva di turismo durante 2024 y producto di prestamo stranhero adkiri pa Gobierno di Aruba.

E entrada mas halto di portofolio tambe tabata resultando di e operacion di restructuracion di e portofolio di inversion na fin di januari 2024. CBA a ehecuta e restructuracion aki pa mitiga e riesgo di tasa di interes, mientras tabatin meta pa mehora e capacidad di e portofolio pa genera entrada den proximo añanan. Lo mas grandi den entrada di protofolio di inversion tabata parcialmente contraresta pa un aumento den gasto di interes di Afl. 3,1 miyon den deposito di tempo poni pa banconan comercial na CBA.

Nivel total di gasto den linea cu aña anterior
 Na 2024, gasto di personal a keda e gasto principal di CBA, aumentando cu Afl. 0.6 miyon (+3,0 porciento) compara cu 2023. Gasto di operacion tambe a aumenta cu Afl. 0,6 miyon (+9,5 porciento), impulsa principalmente pa costonan mas halto pa consultancy y licencia, como tambe iniciativanan di Responsabilidad Social Corporativo (Corporate Social Responsibility, CSR).

Posicion financiero reforsa
 E activonan total di CBA a aumenta cu Afl. 788,6 miyon (+29,2 porciento) na Afl 3.490,3 miyon pa fin di 2024, ora compar’e cu fin di aña 2023 (Table 2). E ultimo aki tabata causa principalmente pa un aumento den activo di moneda stranhero di Afl. 679,2 miyon (+30,1 porciento), y un aumento di Afl. 109,2 miyon den balor di reserva di oro (+26,6 porciento), biniendo di un prijs mas halto pa oro den mercado (USD 2.610,85 per troy ounce pa fin di 2024, compara cu USD 2.062,40 fin di 2023).

E ultimo aki tabata predominantemente impulsa pa un aumento den holding di gobierno y otro seguridadnan di Afl. 605,2 miyon, como resultado di e reposicion di portofolio di inversion resultando di mas benta di dollar den banconan comercial, e producto di prestamo stranhero adkeri pa GOA, e aumento den balor di mercado di e portofolio di inversion, y entrada mas halto di interes.

E efecto di aumento di activo di moneda stranhero tabata contraresta arcialmente pa perdida capital neto realisa, como resultado di e operacion di restructuracion di e portofolio di inversion na januari 2024. E total di pasivo y equity di CBA a aumenta cu Afl. 788,6 miyon (+29,2 porciento) pa fin di aña 2024, compara cu fin di aña 2023 (Table 2). E aumento aki tabata impulsa principalmente pa nota bancario den circulacion (Afl. +40,8 miyon), deposito di residente (Afl. +431,8 miyon), deposito di no-residente (Afl. +119,0 miyon), cuenta di revaluacion (Afl. +131,5 miyon), pa motibo di e aumento den balor di oro den mercado y e reduccion di perdida no-realisa di seguridadnan den e portofolio.

Adicionalmente, capital y reserva di CBA a aumenta cu Afl. 23,9 miyon (+21,1 porciento) pa motibo di ganashi no distribui na 2023.

Pronostico
 Ta proyecta un aumento den e resultado financiero neto compara cu e realisacion pa 2024, principalmente pa motibo di un aumento spera den entrada neto di interes como resultado di un ambiente continuo di tasa di interes halto den mercadonan di capital financiero na Merca y posicionamento faborable di e portofolio di inversion den aña 2025.

Ta spera un aumento den e gasto total di CBA compara cu 2024, relaciona principalmente pa gasto mas halto di personal y di operacion, den linea cu e plannan pa realisa obhetivonan strategico di CBA.

Tambe ta pronostica e formalisacion di un politica di distribucion di ganashi, cu meta pa reforsa reserva di CBA y mehora su tasa di solvencia pa imita e nivelnan recomenda, reforsando asina resiliencia den caso di retonan financiero den futuro.