Polis ta informa cu na e evento cu a tuma luga diadomingo for di 10or di maints te cu 7or di anochi, na tu,r Polis ta conta cu tabatin mas o menos 3000 hende na e evento y a conta mas o menos 130 boto staciona den e area directo di e evento. Polis a constata hopi consumo di alcohol, aunke por menciona cu na final e evento a termina sin problema.
Asistencia
Asina mes riba lama a brinda asistencia 3 bes pa motibo di botonan den problema. Asina Polisnan Maritimo a yuda un boto cu a pega riba e rif pabou di Renaissance, un boto a pega na altura di refineria Valero y un di tres boto casi a sink.
Ora cu e evento a termina 7:00pm, e botonan di Polis tabata patruya cu nan zwaailicht cendi, mientras cu patruyanan di Oranjestad den e area tambe tabata core cu nan zwaailichtnan cendi, cu sin duda a traha como medida preventivo pa yuda cu tur hende a bandona e sitio sin problema y a bay nan cas.
Polisnan Maritimo a haci uzo di nan ekiponan manera boto, waverunner, quadracer y jeepnan pa controla riba tera y riba lama. Di e forma aki a mantene ordo publico bou control mientras cu tur e participantenan por a gosa di un dia den solo, den lama y cu entretenimento henter dia.
