Despues cu mainta gobierno di Aruba, a traves di Promer Ministro Evelyn Wever-Croes a informa cu Hulanda a aproba e fianza pa combati efectonan di e Coronavirus, segun poral Noticiacla a bin e informacion di Hulanda, cu secretario di estado Raymond Knops a confirma cu no a tuma tal decision ainda.

Loke segun e portal a sucede ta cu ora Hulanda a presenta e condicionnan cu nan ta desea di mira cumpli pa bay di acuerdo cu e fianza, e tres ministronan plenipotenciario a pidi mas tempo pa consulta cu nan respectivo gobierno. Segun Knops, lo a palabra e ora cu otro siman diaranson lo bolbe pa tuma e decision al respecto, pero no a aproba e prestamo caba. Segun Noticiacla, no ta promer biaha cu algo asina ta sucede, cu ta bisa algo den e conferencia di prensa y despues ta resulta cu ta algo otro e secretario di estado a papia.

Den curso di dia e portal a logra tende di ministro encarga cu Finanzas Xiomara Maduro, cu loke a pasa ta cu Aruba a bay di acuerdo cu e condicionnan caba. Hulanda a condiciona e fiansa, y si Aruba bay di acuerdo, cu esaki lo por keda aproba. Pero no ta asina, segun e portal, cu awe mainta Hulanda a aproba esaki. Pero gobierno di Aruba a interpreta e asunto diferente, den e sentido cu e aceptacion di inmediato di e condicionnan Hulandes ta haci cu ta sigur ta haya aprobacion, cu mester tuma lugar ainda diaranson venidero.

1 COMMENT

LEAVE A REPLY

Please enter your comment!
Please enter your name here