Recientemente, Departamento di Estado Mericano a publica su 2025 Trafficking in Persons Report. Den esaki, ta considera Aruba como “Tier 2.” Den e seccion tocante proteccion, ta nota cu hombernan cu bira victima di traficacion humano ta falta hopi mas proteccion manera shelter, y e victimanan en general mester mas acceso na servicio.

Den e rapport, a clasifica Aruba como “Tier 2”, cu ta “paisnan cual nan gobierno no ta cumpli completamente cu tur standard minimo di TVPA (Ley di Proteccion di Victima di Traficacion), pero ta haciendo esfuerso significante pa trece nan mes den cumplimento di e standardnan.”

Tocante proteccion, e rapport ta bisa cu gobierno a aumenta esfuerso di proteccion. Gobierno a reporta cu a identifica cinco presunto victima di traficacion (un victima di traficacion sexual y cuatro victima di traficacion laboral) na 2024, cu apenas un presunto victima di traficacion sexual na 2023. E victimanan identifica tabata tres muhe y dos homber, tur stranhero di Colombia of Peru. Gobierno a clasifica e victimanan como “potencial,” “presunto” of “confirma;” victimanan potencial tipicamente tabata asocia cu investigacionnan den etapa trempan, y no por a haya acceso na servicionan di sosten, cual gobierno ta duna solamente na victima presunto of confirma.

JIUMM y UMM por asigna status presunto na victima potencial; solamente UMM por duna status confirma. UMM a asigna status di “victima confirma” na dos di e cinco presunto victima. Gobierno no a reporta si JIUMM of UMM a screen mas victima potencial; den comparacion, nan a screen tres victima potencial di traficacion na 2023.

Gobierno a reporta cu organisacionnan di sociedad civil comunmente ta facilita e identificacion di y sosten pa victima identifica. CMMA a mantene un proceso di referencia cu ta permiti pa victimanan identifica a traves di organisacionnan di sociedad civil keda anonimo durante e investigacion preliminar di gobierno.

Gobierno a referi cuatro victima pa servicio na 2024, compara cu apenas un victima na 2023 y cinco na 2022. CMMA a duna sosten y a coordina cu organisacionnan den sociedad civil pa duna cuido medico, sosten legal y servicio social pa victima di traficacion. No tabatin shelter specifico pa traficacion, maske gobierno a continua explorando opcion pa establece un shelter pa victima di traficacion, y a mantene acuerdonan informal cu NGO local y acomodacion den sector priva pa aloha adulto y mucha cu tabata victima di traficacion. Mediante e areglonan aki, gobierno por a sigura shelter di emergencia a corto plaso, y pa muhe adulto, shelter mas a largo plaso; oficialnan a nota cu regla shelter adecua pa victima tabata un reto continuo.

Na 2024, gobierno a coordina vivienda pa dos victima muhe adulto mediante un facilidad di sociedad civil.

A pesar cu NGO y iglesianan local por a acomoda victima homber adulto, gobierno a reporta cu victima homber adulto tipicamente no ta ricibi servicio di shelter; na 2024, gobierno no a duna vivienda na ningun homber cu a bira victima.

Autoridadnan por a pone mucha victima, cu no ta compaña pa un adulto, den pleegzorg. Gobierno mester a cera acuerdo pa formalisa su coordinacion cu proveedornan di servicio di sociedad civil, pero no a finalisa e acuerdonan aki na 2024. Oficialnan a reporta cu restriccionnan di shelter algun biaha a haci dificil pa aloca cierto victima, manera esnan cu tin dependencia riba droga. Oficialnan a haci evaluacion di riesgo prome cu dicidi cua victima por scoge opcion di vivienda cu no ta shelter, of sali di e shelter sin ta acompaña; nan a restringi movemento di e victimanan si nan seguridad tabata menasa.

Autoridadnan a reporta cu cinco victima a sostene investigacion riba supuesto crimen di traficacion, compara cu dos victima participando den investigacion of proceso hudicial na 2023. Victima presunto of confirma por ricibi servicio sin importa nan participacion den of ehecucion di un investigacion criminal di gobierno.

Gobierno por desplega un team multidisciplinario na momento cu investigacionnan a exigi operacion of bishita na e sitio mes, pero no a reporta cu a haci esaki na 2024. Task force anti-traficacion (TMMA) a continua dunando oficialnan di ley y servicionan social un checklist di e señalnan mas comun di traficacion, cual nan a usa hunto cu e QRC. Gobierno a reporta cu oficialnan a screen migrante indocumenta, individuo den sex comercial, y otro gruponan vulnerable pa indicadornan di traficacion; tabatin procedura por escrito pa screen esnan cu ta traha den industria di entretenemento adulto. Sinembargo, gobierno no a identifica ningun victima potencial durante screening di rutina na 2024, compara cu 12 na 2023.

GRETA (Grupo di Experto riba Accion contra Traficacion di Ser Humano) y otro observadornan, sinembargo, a expresa preocupacion cu oficialnan Arubiano, particularmente personal di centro di detencion di migrante cu tabata screen migrante, no tabata suficientemente ekipa pa identifica traficacion. Gobierno a mantene un SOP pa identificacion y referencia di victima. CMMA a reporta cu lo considera revision menor na e SOP pa atende retonan, manera e disponibilidad limita di proveedornan di cuido psicologico, identifica durante prome aña di implementacion di e SOP nobo di gobierno. Tur victima tabatin derecho na un periodo di reflexion, durante cual nan por a ricibi servicio y un prohibicion temporal di deportacion, despues di nan identificacion; cuatro di cinco victima identifica a acepta e periodo di reflexion. Na 2024, gobierno a haci amienda na e duracion di e periodo di reflexion di 14 pa 30 dia, cu potencial pa extend’e na 90 dia.

Gobierno a duna victima stranhero e mesun proteccion cu victima Arubiano. Sinembargo, victima stranhero no por a haya acceso na beneficio social y di salud cu ta sirbi victima Arubiano. CMMA a regla cuido alternativo pa stranhero mediante proveedornan di sociedad civil, pero GRETA ta sugeri cu e areglonan ad-hoc aki no a cumpli consistentemente cu e necesidadnan di e victimanan, y potencialmente a contribui na nan deseo pa bolbe nan pais di origen na lugar di keda na Aruba pa testigua contra e sospechoso traficador.

Gobierno lo por autorisa status di residencia temporal y permiso di trabao pa victima stranhero confirma riba un base di caso pa caso. Basa riba feedback di e victimanan, cu potencial dunadornan di trabao tabata duda pa contrata aplicante cu por perde status, gobierno a extende e duracion di permiso di trabao di seis pa 12 luna. Gobierno a duna status di residencia temproal na dos victima na momento cu nan periodo di reflexion a caduca. Anteriormente, gobierno no a duna residencia temporal na un victima stranhero den varios aña.

Victima stranhero sin status temporal a bolbe nan pais di origen, cu excepcion mientras nan tabata sostene un investigacion criminal, of ora un regreso safe no tabata posible. E codigo criminal a permiti victimanan pa ricibi restitucion durante proceduranan criminal of entrega demanda civil pa busca compensacion no mas cu 50mil florin pa daño financiero y emocional, maske ningun victima di traficacion a yega di ricibi restitucion of compensacion.

Bureau di Asistencia di Victima a opera un hotline pa victima potencial di tur crimen, incluyendo traficacion. Gobierno no a reporta cuanto yamada relaciona cu traficacion e hotline a ricibi, maske si a nota cu a inicia un investigacion basa riba un yamada na e hotline. Esaki compara cu un yamada relaciona cu traficacion ricibi na 2023.