(AP) – Un reportahe nobo tocante prohibicion di buki na scolnan Mericano a haya cu Stephen King ta e autor cu mas probabilidad di ser censura y e pais dividi entre estadonan activamente restringiendo obranan y esnan purbando di limita of elimina prohibicion.
PEN America su “Banned in the USA,” publica diaranson, ta monitor mas di 6,800 incidente di buki temporariamente or permanente saca for di e aña escolar di 2024 pa 2025. E cantidad nobo a baha for di mas di 10.000 den 2023 pa 2024, sinembargo ta keda hopi mas ariba di e nivel di algun aña atras, ora cu PEN no mester a ni sikiera mantene un record.
Alrededor di 80% di e prohibicionnan a surgi den estadonan cu a implementa of purba implementa leynan cu ta pidi e prohibicion di bukinan cu ta considera ‘objectionable’ – Florida, Texas y Tennessee. Mientrastanto, PEN a haya tiki of ningun instancia di prohibicion den varios otro estado, cu Illinois, Maryland y New Jersey entre esnan cu leynan cu ta limita e autoridad di e scol y bibliotecanan publico pa prohibi buki.
“E ta cada biaha mas un storia di dos pais,” Kasey Meehan, ken ta director di PEN su programa Freedom to Read y autor di e rapport di diaranson a comenta. “E no ta djis un storia di estadonan cora y blauw. Den Florida, no ta tur districto escolar a responde na e yamado aki. Bo por haya diferencia di condado pa condado.”
King su bukinan a ser censura 206 biaha, segun PEN, cu “Carrie” y “The Stand” entre e 87 di su obranan prohibi. E obra di un autor mas prohibi ta Anthony Burgess su clasico di aña 1960, “A Clockwork Orange,” pa cual PEN a haya 23 prohibicion. Otro bukinan y autornan cu ta enfrenta restriccion extenso a inclui Patricia McCormick su “Sold,” Judy Blume su “Forever” y Jennifer Niven su “Breathless,” ademas di varios obra di Sarah J. Maas y Jodi Picoult.
Motibonan hopi biaha cita pa prohibi un buki ta inclui temanan LGBTQ+, descripcion di violacion y pasahenan cu violencia y violencia sexual. Un moda andando cu PEN a mira a bira mas intenso ta cu miles di buki a keda prohibi den anticipacion di presion comunitario, politico of legal na luga di den respuesta na un menasa directo.
“Esaki ta funciona como un forma di ‘obedece di adelanta,” e rapport ta bisa, “ancra den miedo of simplemente e deseo di evita topiconan cu por ser considera controversial.”
PEN su rapport ta bini den medio di esfuersonan di censura no solamente di e estadonan y activistanan conservativo, sino tambe for di e gobierno federal. Departamento di Educacion a caba cu un iniciativa cuminsa pa e administracion Biden di investiga con legal e prohibicionnan aki ta y a yama henter esaki un “falsedad.” PEN su cifranan ta inclui Department of Defense su prohibicion di centenares di buki for di biblioteca escolar pa famianan militar como parti di un campaña contra iniciativanan DEI y pensamento “no Americano.”
Na Florida, unda tabatin mas di 2.000 buki prohibi of restringi, un cantidad di condado tabata responsable pa varios di e prohibicion King: Decenas a ser prohibi como parti di un evaluacion pa saca afo si esaki ta den cumplimento cu leynan estatal.
“Su bukinan hopi biaha tabata ser prohibi ora cu titulo “adulto” of buki ‘contenido sexual’ ta suheto di e prohibicionnan – e prohibicionnan ta contra contenido LGBTQ+ y bukinan di rasa, racismo y hende di color scur – sinembargo tambe ta afecta obranan di King,” Meehan ta splica. “Algun districto – pa tin cautela of cu miedo di castigo – lo prohibi asina hopi cu nan ta termina ta prohibi obra di King too.”
