image.jpeg

Caso
Raul Solognier ta splica: Prome caso di abuso cu a cuminsa tuma luga tabata na April 2014 ora cu e yiunan di Sr. Solognier a conte locual a pasa. Na e mes momento ey el a bay Warda di Polis Shaba pa nan a conta locual cu a pasa. “Nan a conseha mi pa bay JZP e tempo ey situa na Balashi dibiaha, cual ta locual mi a haci. E siguiente 3 lunanan mi a percura pa e muchanan keda cumi pa nan ta protegi bou di mi supervision. E di dos keho nan a contami na September y. Atrobe mi a bay na JZP y Voogdijraad pa entrega keho.” El a sigui bisa cu ta aki 6 luna despues cu e ultimo keho a wordo entrega y te ainda su yiunan no a wordo scucha na JZP. 
Ora bo tin material y cosnan como prioridad den un pais, bo ta “fout bezig” y esaki no ta un One Happy Island, Sr. solognier a bisa. “Si e cuido di bo muchanan no ta na prome luga, e ora unda nos ta bay? Mi intencion no ta pa bay den hopi detaye di loke mi yiunan a pasa aden cual ta motibo cu mi no a sali den media cu e caso mas prome. Sinembargo despues di tur e stof cu a lanta mi a conoce varios otro tata manera Reginald Danies den e trayectoria cu ta pasando den mesun cos cu nan no ta hayando oido.”

Mama preferencia
“Mama tin preferencia na Voogdijraad y den corte. Mi no kier kita e rol di un mama pero ora algo ta preto mester bisa cu e ta preto y ora cu algo ta cora mester yame cora. Bo no por bisa cu bailamento sunu dilanti muchanan di 4, 6, 9 y 10 aña ta un incidente, cual ta locual Voogdijraad a yama locual cu a tuma luga april 2014. E siman aki despues cu a anuncia cu mi lo ta den media, Ministerio Publico y Voogdijraad a yama mi cu nan kier sinta cu mi. December mi a cuminsa entrega keho nobo di locual mi yiu ta contami tocante otro abuso y negligencianan cu ta tuma luga. Cosnan cu nan juffrouw y meneer di scol ta na altura di dje, banda di tur e instancianan ariba menciona, Sr. Solognier a bisa.
 

LEAVE A REPLY

Please enter your comment!
Please enter your name here