Ayera, mediante un comunicado di prensa, autoridadnan di Aruba a duna di conoce cu a logra intercepta un cargamento grandi di droga cu tabata destina pa Hulanda, despues di a detecta esaki den un container, loke a conduci na diferente entrada hudicial rond di Aruba.
For di algun tempo caba Unit Narcotica a traha incansablemente riba un caso grandi di exportacion di droga for di Aruba cu destinacion Hulanda.
Trahando den ekipo Unit Narcotica conhuntamente cu Douane recherche a detecta un cargamento grandi di mas cu 140kilo di cocaina saliendo for di un container pa Hulanda.
Cu hopi strategia, investigacion y cu cautela a haci diferente entrada hudicial rond Aruba cu a conduci na detencionnan
A detene e hende hombernan di inicial: Y.M.T. naci na Colombia di 45 aña di edad, E.R.F. Naci na Venezuela di 63aña, J.A.C naci na Republica Dominicana di 52aña y e homber R.M.Z. Naci na Aruba di 40aña di edad.
Tambe a detene e hende muhenan di inicial: G.L.C. Naci na Venezuela di 31aña y V.A.R. Naci na Aruba di 57aña.
Durante e entrada Hudicial a confisca diferente articulonan manera: placa, telefon, auto, droga y documentonan.
No ta descarta cu por tin mas detencion.
