Awe ta e gran dia cu e Seleccion Hubenil di damas U-14 di AVB ta sali rumbo pa Antigua & Barbuda pa torneo internacional: CFU Gilrs Challenge Series. Torneo di desaroyo organisa pa Caribbean Football Union.
E ekipo di Seleccion lo competi e biaha aki den Tier 1- Group B, cu ta consisti di Cayman Islands & Turks and Caicos Island. Den caso cu nan cualifica pa semi-final, nan lo por topa cu Tier 1- Group A, cu ta consisti di isla Puerto Rico, Jamaica y Trinidad & Tobago. AVB ta sumamente orguyoso di tur hungador, staff y mayor cu a dedica grandemente den e preparacion di seleccion aki desde october 2022.
Team Aruba a scoge Divi Divi como simbolo cu ta representa nan. Mescos cu e mata ta wordo forma door di biento, asina aki e seleccion di damas U14 a traha duro y bou di guia di staff ta cla pa representa nos dushi baranca.
Aruba ban uni, y apoya nos seleccion femenino hubenil grandemente.
