Debi na shelter in place na Merca, hopi studiante mester a perde un di e momentonan mas importante di su bida: ceremonia di graduacion. Pa e motibo aki, Selena Gomez a manda un mensahe special na muchanan inmigrante, of descendiente di famia inmigrante y cu a caba di conclui algun ciclo di estudio.

A traves di e cuenta di YouTube di e organisacion Define American (DA) diasabra ultimo, e cantante a duna un discurso hopi special na comunidad inmigrante como parti di e movemento #Immigrad cominsamento virtual 2020.

Den e video Gomez a argumenta cu maske ta dificil pa no por celebra hunto, ta importante pa ta orguyoso di nan logro, y tanto graduacion como e ceremonia ta ‘hopi real’.

“Mi kier pa boso sa cu boso ta importa, y cu boso experiencia ta parti di historia Mericano. Na momento cu mi famia a bin aki for di Mexico, nan a pone mi historia Mericano den marcha, manera esun di boso”, el a bisa. Ademas, el a splica cu no ta importa di unda nan ta bin of nan status legal, sino cu no a rindi dilanti di adversidad y a construi un futuro na unda pa cana.

E movemento #Immigrad cuminsamento virtual 2020 ta un celebracion nacional di studiantenan cu ta parti di famia inmigrante y pa partidario di derechonan di inmigrante di centenares di scol primario y secundario, segun e portal Entertainment Tonight (ET). E ta arma pa cantidad di organisacion manera United We Dream, I Am An Immigrant y Golden Door Scholars.

Gomez tambe a contribui monetariamente na e bataya contra COVID-19, pues el a lansa un edicion di luho di su album mas recien, Rare, pa recauda fondo. Parti di e ganashi di e album aki lo ta dirigi na e fondo di ayudo yama Plus 1 COVID-19, enfoca riba destina placa pa e personanan mas afecta pa e malesa, cu a perde nan hogar, of a perde trabou a causa di e virus.

LEAVE A REPLY

Please enter your comment!
Please enter your name here