(Infobae) – Un señora di 83 aña a ser deteni e fin di siman aki den e ciudad di Lota (540 km sur di Santiago) acusa di traficacion di micro-droga. E dama a keda identifica como Inés Valencia Salas, y door cu e ta un delincuente ripiti y tin un caso andando pa e mesun crimen, e ta enfrenta te cu tres aña di prison, ademas di un multa pisa.

E investigacion a ser realisa door di Brigada di Investigacion Criminal (Bicrim) di Polis di Investigacion (PDI), despues di un keho entrega pa bisiñanan di e señora di edad conoci pa usuarionan local como “Tia Inés.”

Na su cas, situa den e bario di San Martín di e ciudad, 68.82 gram di cocaina, mata di marihuana cla pa procesa, y cash di su actividadnan ilicito a ser confisca.

Durante e razzia, e agentenan a detene tambe un otro muhe di 37 aña, kende tambe tin un antecedente penal pa violacion di ley di alcohol y ladronicia.

Ambos ta nacionalidad Chileno y a ser hiba mesora dilanti corte corespondiente, segun a ser informa pa e hefe di PDI na Lota, e subprefecto Yuri Méndez.

“Oficialnan policial di e Lota Bicrim (Unidad Nacional di Investigacion Criminal), den cumplimento cu un orden di buskeda pa micro-trafico na un propiedad cu ta ser usa como un punto di benta di droga, a aresta dos muher, di edad 83 y 37, y a confisca substancianan ilicito manera base di cocaina y matanan di cannabis den e proceso di crecemento,” e detective a splica.

Cercania di Scol

Ta bon pa menciona cu e cas cu ta ser usa como un punto di benta ta situa djis algun meter for di dos scol densamente pobla y e Hospital Regional di e ciudad. Hopi di e clientenan di “Tia Inés” ta studiantenan di scol secundario.

E dos dama a ser acusa durante fin di siman, y mientras cu e señora di edad a ser poni bou di aresto domiciliario, check-in dos siman na e warda di polis local, y lasonan nacional, e di dos acusado mester cumpli cu check-in cada dos siman y lasonan nacional.

Sinembargo Corte di Garantia di Lota ta preparando pa husga e señora di edad pa su ofensanan anterior, cual, combina cu e infraccion nobo aki, por resulta den te cu tres aña y un dia di prison.