(AFP) – Servicio Secreto di Merca a informa diadomingo cu su agentenan a los tiro fatal contra un homber arma cu a drenta e perimetro di seguridad di Presidente Donald Trump s uestado Mar-a-Lago na Florida.
Trump tabata na Washington e momento cu e incidente a sucede, cual oficialna nta bisa a sucede alrededor di 1:30 di mainta.
Angentenan di Servicio Secreto d iMerca a los tiro contra un homber despues cu nan a mir’e ta drenta “ilegalmente e perimetor di seguridad di Mar-a-Lago awe mainta,” vocero di e agencia Anthony Guglielmi a bisa den un publicacino haci riba X.
E sospechoso, un homber den su 20 aña, “a keda observ na e porta nort di e propiedad Mar-a-Lago cargando loke aparentemente tabata un arma di candela y gasolin,” e agencia a bisa den un declaracion.
Agentenan a confronta e homber y a los tiro. Ningun oficial di Merca a keda herida, segun e agencia “ningun protegido di Servicio Secreto” tabata presente na Mar-a-Lago ora cu e incidente a tuma luga.
E individuo a keda declara morto.
“E unico palabranan cu a bis’e ta ‘los tur cos’ cual ta nifica e gasolin y e arma di candela,” Palm Beach County su agente Ric Bradshaw a conta reporteronan. “Despues di cual el a pone e gasolin abao y a prepara pa los tiro cu e arma,” Bradshaw a informa. Un agente y dos agnete di Servicio Secreto a los tiro.
Trump, ken hopi biaha ta pasa su fin di siman na Mar-a-Lago ta e blanco di varios intento di asesinato. Anteriormente e luna aki, Ryan Routh, di 59 aña, ken a plania di asesina e presidente mientras e tabata hungando golf na Florida prome cu e eleccion di Merca, a ricibi un sentencia den prison.
Routh su atake plania contra Trump a bini 2 luna despues di un intneto di asesinato contra e lider Republicano na Pennsylvania, unda hoben di 20 aña, Matthew Crooks a los varios tiro durante un mitin, un di nan raspando Trump su orea.
E atake, den cual un presente den e mitin a perde su bida, a comproba di ta un punto den Trump su regreso na mando. Crooks inmediatamente a ser mata pa forsanan di seguridad y su motibonan ta keda desconoci.
E incidente ta marca e serie mas reciente di episodionan di violencia politico den un pais altamente polarisa.
E nomber di e sospechoso no a keda publica mientras oficialnan ta purba tuma contacto cu su familiarnan.
