Pa medio di esaki bo ta keda cordialmente invita pa nos sesion inaugurativo di AI pa Pueblo cu lo tuma lugar mañan anochi na Centro di Bario Noord, (2 di Juni, 7PM – 9PM).
AI t’ey y ya caba e ta potente. Tin hopi pregunta ta surgi cerca nos comunidad. Di un banda tin miedo pa cu esaki, di otro banda tin curiosidad pa siña tur loke AI lo por nifica den bida diario di nos comunidad.
AI pa Pueblo ta un plataforma di conscientisacion y dialogo, tocante AI, cu ta spera participacion di nos comunidad en general. AI pa pueblo ta organisa Charlanan di AI literacy y Workshops di Prompt Engineering Accesibel pa Pueblo di Aruba. Den tur sesion, ciudadanonan tin e oportunidad di participa, siña, y expresa nan punto di vista y experticio.
Den e sesion inaugurativo aki, lo tin 2 evento:
Di 7PM – 8PM, pa 5 florin pa persona, lo por asisti na un Charla di “AI Literacy”, den e charla aki lo discuti, kico ta AI, con e ta funciona den general, kico ta su riesgonan. E sesion lo caba cu un live demonstration di kico AI ya caba por haci. Tambe lo tin amplio lugar pa discusion y pregunta tocante AI, y kico esaki lo por nifica pa e individuo y pa comunidad en general.
Siguiendo directamente despues, for di 8PM pa 9PM, lo tin un Workshop di Prompt Engineering pa solamente 10 florin pa persona. Den siglo 21, con pa comunica y traha cu AI, lo ta un habilidad esencial pa casi tur ciudadano. Den e workshop aki, nos lo cubri e basis fundamental di con pa comunica den un manera structura cu AI, pa asina yega na e resultadonan cu un persona ta desea.
Nos ta invita full comunidad di Aruba pa join nos den e sesion inaugurativo aki, y asina ta parti di un dialogo abierto di full pueblo tocante AI.
