(NLTimes)—E veld di gas mester ta completamente cera e aña aki, segun Presidente di Shell Netherlands, Marjan van Loon. Actualmente, e veld di gas ainda ta suministra cantidad minimo di gas pa mantene e posnan, pero van Loon ta pensa cu esaki no ta necesario. “Mester haci esaki y por, pues e veld mester cera,” segun e presidente a bisa riba e programa WNL Op Zondag.
Na fin di januari, Gasunie, cual ta responsabel pa e maneho di tuberia y deposito di gas, tabata avisando Cabinet pa keda pendiente cu e veld na Groningen e aña aki y pa no cer’e permanente. Esey ta pasobra ainda no ta sigur si Hulanda lo haya suficiente gas pa winter otro aña pa via di e guera entre Ucrania y Rusia. P’esey ta miho pa keda cu e opcion di gas na Groningen habri como reserva, Gasunie a argumenta.
“Den un crisis di energia, lo por ta desagradabel pa cera algo, pero ainda por considera e luz piloto. Tambe tin e cuestion di teremotonan,” segun van Loon. El a bisa cu hopi otro stakeholder den e veld di gas aki tambe ta kere cu ta responsabel pa cera e cranchi di gas permanente.
Tweede Kamer tambe a puntra e Secretaria di Estado, Hans Vijlbrief (Mineria), pa ignora e aviso di Gasunie. Ta spera cu Vijlbrief lo tuma te juni pa tuma un decision riba esaki.
“Esaki a causa nada otro cu strobacion pa e ciudadanonan di Groningen, y esey ta unda nos a bay fout. Esey ta inclui Shell tambe,” van Loon a splica riba e programa diadomingo.
Shell, como un di e stakeholder di NAM, tabata responsabel pa produccion di gas na Groningen pa hopi aña, cual despues a causa teremoto. Awo e compania tambe ta pagando pa reparacion di dañonan y reforsamento di hogarnan den e zona di e teremoto. “Reparacion di daño y reforsamento pa hogarnan mester acelera, y awo nos sa cu tin mas pa haci. E ta hopi complica,” segun e presidente di Shell Netherlands.
Tambe el a menciona cu fuera di e ceramento di e veld di gas, tareanan pa daño y reforsamento tambe mester acelera y mester duna mas atencion na e desaroyo economico di Groningen.
“Cabinet mester wak con pa cumpli cu esaki den un otro manera, y nos a bisa cu nos ta dispuesto pa wak con nos por logra cu esaki,” segun van Loon.
