Shelter di emergencia pa personanan cu ta busca asilo na Hulanda ta bao di nivel humanitario

(NLTimes) – E manera den cual e refugiadonan y buscadonan di asilo ta poni den vivienda pa Hulana den localidadnan di recepcion di emergencia tin faltanan serio, segun VluchtelingenWerk, conoci tambe como Dutch Council for Refugees.

Den varios luga tin un falta di privacidad, siguridad y fuente di calor. Tambe tin un preocupacion grandi tocante acceso na cuido di salud, educacion pa muchanan y mudansa repetitivo den poco tempo. E conclucionnan aki ta resultado di un estudio conduci pa cu e condicionnan di vivienda di mas o menos 5,000 buscado di asilo na 21 localidad di recepcion di emergencia, e Consul a declara.

E condicionnan bao cual e refugiadonan ta keda den e shelternan temporario aki, manera salanan di deporte, salanan di evento, boto, y den centronan di cuido, hotel y tent ta “cayendo y yegando na un nivel cu ta bao di e limite humanitario,” e organisacion a señala. “Hopi despues ta caba den tentnan y salanan grandi unda cu privacidad no ta existi y nunca tin trankilidad ni silencio, te hasta den oranan laat di anochi. E falta di descansa y e presion di biba den un proximidad asina cerca di hendenan desconoci ta pone presion den e salud mental di e personanan aki. Esaki ta causa iritacion y tension entre uno cu otro. Den tentnan particularmente, hopi biaha ta demasiado friu of demasiado calor, y te ainda winter tin di cuminsa,” e consul a agrega.

E luganan aki ta “particularmente inadecua” pa muchanan, segun e organisacion pa refugiadonan. “E opcion di por cushina bo mesun cuminda ta un parti importante di controla bo mesun bida, sinembargo esaki ta posibel solamente den 2 localidad. Mayornan ta preocupa pa cu e comemento di nan yiunan cu no gusta e cuminda cu ta ser traha, y pa motibo aki hopi biaha no ta ricibi suficiente nutricion.”

Den un carta, e Consul pa refugiadonan a haci un peticion di urgencia na Ankie Broekers-Knol, e Secretario di Estado pa Husticia y Siguridad. Nan kier localidad mas adecua pa e recepcion di refugiadonan, y pa provincianan y municipalidadnan cera e facilidadnan aki cu no ta adecua lo mas lihe cu ta posibel.