Shete pais di Caribe, e region cu mas ta contamina per capita rond di mundo, lo prohibi desde 1 di januari proximo plastic di un solo uzo y poliestireno expandi pa evita e degradacion di su costanan pa via di e peliger grandi di contaminacion.

Jamaica, Belice, Barbados, Dominica, Granada, Trinidad y Tobago y Bahamas ta prohibi desde 1 di januari e importacion y uzo di plastic di un solo uzo y poliestireno.

Cu esey, e region di Caribe tin plania pa evita e degradacion di su habitat marino cu lo provoca un riesgo pa salud y siguridad di alimentacion di cerca di 40 miyon di persona cu ta biba na zona costero, ademas di un perdida economico incalculabel.

Mundo ta consumi 5 biyon saco di plastic pa aña cu tin derivado di petroleo, cu lo por tarda te centenares di aña pa su degradacion, y e paisnan di Caribe ta esunnan cu mas ta haci uzo di e material aki, cu ta hopi dañino pa e medio ambiente.

Di e top 30 contaminado mundial principal per capita di e tipo di plastic aki, dies ta di region di Caribe, loke ta duna un bista di e magnitud di e problema cu ta trata di elimina desde 1 di januari.

Por ehempel, Trinidad y Tobago ta produci 1,5 kilogram di desperdicio plastico pa persona y pa dia, e cifra mas eleva rond di mundo.

Ta calcula cu un quart di kilo di e cifra aki ta termina den e costanan di e pais ey, a causa di e procesonan inadecua di tratamento di desperdicio di plastic.

Di e ‘club’ aki di gran contaminado di plastic ta figura paisnan como Antigua y Barbuda, San Cristobal y Nieves, Santa Lucia, Granada, Anguila y Aruba, entre otro. Aruba tambe a pasa ley cu ta prohibi e productonan aki, dos siman pasa. E ley ta drenta na vigor dia 1 di juli 2020.

 

LEAVE A REPLY

Please enter your comment!
Please enter your name here