(AFP)—Singapur lo establece un conseho nacional riba inteligencia artificial pa provee “direccion strategico” riba e uso di e tecnologia nobo, segun prome minister Lawrence Wong a anuncia diahuebs.
Papiando den parlamento pa revela e presupuesto nacional di e aña aki, Wong a bisa cu AI ta “avansando na un velocidad remarcable,” cu potencial inmenso pa aumenta productividad, habri descubrimentonan nobo y transforma bidanan.
Mientras cu AI a causa preocupacion tocante mas informacion y trabaonan desplasa, Wong a bisa cu e estado mester confronta e tecnologia y hacie sirbi e necesidad di e pais.
El a urgi Singapur pa move mas leu “cu pilotonan individual y experimentonan isola” y aumenta uso di AI riba nivel nacional y den industrianan. “Miedo no por ta Singapur su respuesta. Si nos permiti incertidumbre paralisa nos, nos lo cay atras den un mundo cu ta bayendo dilanti rapidamente,” el a bisa.
“Nos mester actua cu claridad y resolucion. AI ta un herment poderoso, pero e ta un herment ainda. E mester sirbi nos interes nacional y nos pueblo,” segun Wong, ken tambe ta un minister di Finanzas.
Wong a bisa cu lo presidencia e conseho di AI, cual lo “provee direccion strategico y stimula Singapur su agenda di AI.”
Singapur ta aumentando uso di tecnologia pa surpasa limitenan structural manera recursonan natural limite, un poblacion embeheciendo rapidamente y un mercado laboral instabil.
Gobierno a bisa luna pasa cu e lo inverti mas cu 793 biyon dollar den investigacion publico riba inteligencia artificial pa 2030 pa asina aumenta su capacidad y engrandece competencia global.
“Nos ta defini con AI ta ser desaroya y usa den Singapur. Nos lo establece reglanan cla pa sigura cu ta aplica esaki responsablemente y seguramente,” Wong a bisa den su discurso.
