Sint Maarten cu shutdown pa 24 ora y 4 morto

E number di morto pa coronavirus na e parti Hulandes a aumenta na 4 diabierna. Esaki ta significa cu 4 persona a muri di e enfermedad den cuater dia.

E prome persona cu tabata den aislamento na cas a fayece 31 di maart. E Segundo persona a fayece di a 2 di april na e centro medico di Sint Maarten.

Autoridadnan a confirma e genero y e luganan na unda cu e dos mortonan a sucede adicional diabierna e informacion di cualkier di e 4 victima di COVD-19 , por ehemplo nan edad, sin nan tabatin condicionnan preexistente, sin nan a biaha recien of sin an tabata den contacto cu personanan cu a biaha recientemente of cu casonan positivo no a ser proporciona.

E epidemiologo hefe di servicio di prevencion colectivo Eva Lista-de Weever, kende a confirma e dos mortonan adicional, a bisa cu e number total di casonan confirma ta sigui na 23, e mayoria di nan ta hende homber. E noticia di e mortonan adicional a bin como un esfuerso haci pa gobierno pa instrui un cierre total di e pais pa obliga e personanan pa permanece paden pa asina stop e parlamento.

Diasabra atardi gobierno a ricibi e luz berde pa haci un shutdown completo di e pais. Esaga a cuminsa dialuna marduga ,Sint Maarten lo tin un shutdown 24 ora pa dos siman.

Tur movecion lo ser prohibi durante e shutdown, cu excepcion di trahadonan di emergencia y servicionan esencial. E personanan aki mester in den nan posicion un pas di desaster of un permiso por escrito di Jacobs of hefe di polis Carl John.

Personanan sin un documentacion necesario ta riesga pa ser aresta. Personal di Royal Dutch Marine Corps staciona na Sint Maarten lo yuda polis pa cumpli cu e toque de queda di 24 ora, John a bisa

Jacobs a bisa den hopi di e pashentnan cu ta confirma, e personanan tin problemanan medico, cu afeccionnan preexistente manera presion, diabetes y obesidad y asma. E personanan cu cualkier di e malesanan aki cu tin signonan y sintomanan di CODID-19 mester keda cas, ya cu e afeccion pre existente por pone nan den un riesgo adicional. COVID-19 tin un impacto grandi riba personanan cu condicionnan preexistente.