(DailyHerald) – Preocupacionnan a surgi tocante e mashin di pago na Censo di Sint Maarten, cual aparentemente ta acepta pago solamente den dollar Mericano na luga di florin Caribense of XCG, cual ta e pais su moneda oficial.
E practica a resulta cu e clientenan ta paga mas di loke tabatin mester ora di usa nan carchi di banco cu ta opera den florin, a causa di tarifanan ora di cambia e moneda. No por a saca afo pa con hopi tempo esaki ta e caso y minister di Finanzas Marinka Gumbs ta anticipa di haci un declaracion tocante e topico mas adelante e siman aki.
Segun e kehonan cu “The Daily Herald” a ricibi, clientenan cu paga cu carchinan na florin ta cobra mas di e cantidad oficialmente stipula ora di cobra den dollar. Den un caso, e costo total di varios servicio a aumenta cu varios porcentahe ora cu a procesa esaki via e mashin di pago en cuestion.
Un cliente afecta a bisa cu empleadonan na e departamento a splica cu e mashin ta procesa pago exclusivamente den dollar, mientras cu e cliente tabatin su carchi di dollar so disponible pa paga pa e servicio. Problemanan similar aparentemente a sucede na por lo menos 1 otro departamento gubernamental.
Mientras cu clientenan a bisa cu e cantidad adicional cobra por parce relativamente chikito, nan a argumenta cu oficina di gobierno no mester depende solamente riba sistemanan di pago di exterior. Un cliente a expresa preocupacion cu e practica ta debilita e uso di e moneda oficial e pais.
Autoridadnan ta urgi clarifica dicon e sistema di pago no ta sostene transaccion den florin y si tin plan pa actualisa e mashinnan di pago pa permiti clientenan paga directamente den moneda oficial.
