Presidente di sindicato ABV a duna un actualisacion tocante e situacion di hospital, for di momento cu e renobacion y expansion a cuminsa y tur e problema pa cual ainda no a haya un solucion.

Presidente di sindicato ABV, Gina Maduro a duna di conoce tocante e ‘multiple’ problema cu tin den e localidad. Den ultimo añanan, for di comienso di proyecto di expansion y renobacion, e ‘pesadiya a cuminsa como trahado’.

Na momento cu a opta pa renobacion y expansion di hospital, a bisa cu lo purba di minimalisa e efecto di e construccion y asina hospital por sigui cu nan operacion. Maduro a duna un ehempel, cu e estado actual di hospital ta manera un avion bulando y na mesun momento ta haciendo mantencion na e motor.

E ta bisa cu esey ta un consecuencia di tuma e decision di expansion y renobacion. For di e prome fase, Maduro ta splica cu e edificio a cuminsa duna problema di zonido, pero cu cada fase cu tabata haci cambio, a mira cu e problema tabata keda aumenta conhuntamente cu e fase.

Pa cada problema cu tin, e debe tambe ta keda aumenta, un debe ‘cu ta bira $90mil pa siman, cu pais Aruba tin cu paga’. Maduro tambe a menciona tocante e boiler den edificio, cu ainda no tin solucion p’e.

“A pidi diferente reunion cu tur stakeholders concerni pa saca e boiler afo. E ta costa alrededor di 800.000 florin, anto ken ta paga pa saca e boiler? Nos no, pasobra nos ta djis uzando e facilidad, pero nos no ta doño di e hospital”, el a splica.

Pa transcurso di tempo si e tabatin ventilacion, problema cu schimmel, tubonan ta kibra, awa ta cay, problema cu edificio nobo, cu segun Maduro mester a wanta 25 aña y no tin ni 2 aña. “Tristo pa bisa, pero e problema ta keda aumenta.”

Awo tambe ta enfrentando e problema di atake cibernetico. E sistema di internet ta full down y nan tin dos siman bayendo pa e sistema di antes, cual ta causa mas stress pa e trahado. “E ta un calamidad, un situacion dificil. Nos mesun sindicato a acerca gobierno pa interveni cu e crisis, introduci un ley di calamidad, pero esey ta trabou cu hospital mester a haci pa hopi tempo.”

Un situacion dificil. Sinembargo nan como sindicato y miembro no ta contento cu locual ta pasando y con hospital ta bayendo. Maduro ta bisa cu mester bin cu dialogo tripartite, mescos Imsam, SVB y AZV unda cada departamento tin un balans. Unda cu tin un representante di dunado di trabou, representante di gobierno, y representante di sindicato, ‘anto e ora ey ta papia di good governance’.

“Nos unico hospital no tin e plataforma, esey a arbowet tripartite conforme Ailo, cu lo ta dunando tur tres gremio (comercio, sindicato y gobierno) pa discuti hunto pa yega na e ley. E otro departamento, manera Imsam, ta traha y no tin problema, sino un balans. Tambe mester tin un limpiesa ta tuma luga na hospital, pero van top”, el a finalisa.

LEAVE A REPLY

Please enter your comment!
Please enter your name here