Situacion peligroso na ruina di Bushiribana

ORANJESTAD – Manera a duna di conoce dia 18 di januari pasa, departamento di Polis y Departamento di Obra Publico (DOW) a cera e paso na e monumento cu ta hopi turistico di ‘Bushiribana Ruins’. Esaki pa motibo cu na entrada di e luga, un parti di e muraya riba e porta a kibra y a haci un scheur. Na e momentonan ey a pidi tur operadornan turistico pa no laga turista drenta, pa motibo di e risico di e luga.

Bon Dia Aruba a yega na e luga pa constata con e monumento ta na e momentonan aki, si e companianan concerni a cuminsa cu e trabounan di mantenemento, y loke a haya ta cu e mayoria di turistanan, cu ta yega hunto cu e companianan operador di tour pa conoce e antiguo mina di oro, ta subi te parti di ariba pa explora e luga y saca potretnan, pero nan no sa e sorto di risico cu ta coriendo den e luga.

Departamento di Obra Publico a pone varios baricada rond di e porta, pero e baricada manera e potretnan ta mustra a keda di un banda. Algun hende a pone nan di otro banda pa por drenta den e luga, aunke no tin ningun otro tipo di advertencia cu e turista por wak pa sa cu e monumento, cu tin basta aña caba, tin hopi risico y por trece consecuencianan lamentabel.

Di mesun manera, e departamento di redaccion di Bon Dia Aruba a yama DOW pa haya informacion di con e trabounan ta bayendo, mirando cu e baricada tin basta tempo eynan, of si nan por duna un splicacion di loke ta bay haci pa mantene e monumento un tiki mas seguro. Pero nan a contesta cu na e momento ey, ningun persona por ofrece declaracion di e caso aki. Bon Dia Aruba lo keda pendiente riba s contesta.

 

You May Also Like

23 sep DT WEB (1).JPG

WEB Aruba ta introduci servicio di SMS WEBcheker

‘Desde awe comunidad di Aruba por check su saldo di cuenta di awa na ...

Control riba cobamento pa santo

ORANJESTAD – Ayera, varios departamento di gobierno entre otro, polis, DIP, DNM, DOW y ...

Vigilia na memoria di Chaim y pa seguridad

Un grupo di persona consistiendo di famia, amigo y ciclistanan a bini hunto diadomingo ...

Consulado Venezolano na Aruba tin lunanan sin paga huur

Mientras consuladonan Venezolano rond mundo ta desafiando retonan financiero grandi, parce cu na Aruba ...

AVP ta presenta programa di partido Padilanti

Ayera nochi tabata presentacion di e programa di partido AVP na Renaissance Convention Center. ...

High Season largo ta trece menos ocupacion, pero mas entrada

Luna di april Aruba a tabata un luna inusual pa motibo cu Pasco Grandi ...