Will Smith no ta hunga ora ta trata di trece sonrisanan den e temporada navideño y e ta haciendo tur lo posibel cu e ayudo di su amigonan famoso.
E temporada 2 di Will Smith di su serie riba snapchat “Will from Home” a estrena riba dialuna y e temporada navideño aki ta invitando e espectadonan pa wake sorprende hendenan di tur e pais pa celebra su abnegacion y valentia.
Pa e estreno di e temporada 2, Will a hiba Jason Derulo pa sorprende Aiden, di 14 aña di edad, ken nan a diagnostica cu cancer na april. E tata di Aiden,Chuck, ta haciendo tur lo posibel pa consol’e durante e tratamentonan di kimoterapia semanal, pero debi na e covid-19 generalmente e por solamente para afo di e camber di Aiden, bailando pa haci’e hari.
Well, papa a haya un gran ayudo di Jason y Will
Derulo a cuminsa siña Chuck y Aiden algun movementonan di baile nobo. E gran sorpresa sin embargo, a bin ora Will a haci cu Chuck y Aiden habri un caha cu nan a wordo duna. Y viola… e ta un PS5, cu den e momento ey ainda e no tabata disponibel pa e publico.
E expresion di e cara di Aiden no tin precio y ademas di e movementonan di baile y e sorpresa di PS5 tambe nan a haci un donacion di 10k na Cook Children’s Medical Center.
E serie di 10 episodio lo tene otro invitadonan special, incluyendo Alicia Keys, DJ Khaled, Lil Nas X y Ludacris. E ta un bon apuesta cu no lo tin un wowo seco despues cu cada episodio celebra e heroenan di bida real.
