(AP) – Pidiendo privacidad, e leyenda di Hip-Hop Snoop Dogg a informa cu e ta bay stop di huma, sin specifica e motibo exacto tras di e decision aki. “Despues di hopi consideracion y combersacion cu mi famia, mi a dicidi pa stop di huma,” Snoop a skirbi den un mensahe publica riba Instagram y X, e plataforma conoci como Twitter anteriormente. “Please respeta mi privacidad durante e tempo aki,” el a agrega.
E rapper y negociante ken tambe a bira conoci pa su aventuranan relacioan cu marihuana durante e añanan, no a provee detayenan adicional riba e motibo tras di su decision den e anuncio, cual a bini e siman despues cu a introduci un producto di marihuana cu su nomber. E representantenan di e rapper di 52 aña, naci Calvin Cordozar Broadus Jr., no a responde na peticionnan pa comentario tampoco.
Esaki no a para speculacion amplio for di e fanaticonan, kendenan a yena e seccion di comentario expresando cu nan no tabata spera e noticia aki. Algun a puntra nan mes si Snoop lo cambia na otro forma di THC of anuncia un negoshi nobo mas despues mientras cu otronan a aplaudi e anuncio y a sugeri cu e decision aki posiblemente a ser tuma pa su salud personal.
