Un explosion na e capital di Somalia a laga 11 persona morto, segun hefe comisario a bisa. Grupo extremista na al-Qaida, al-Shabab a tuma responsabilidad di e suceso.
Otro 25 persona a keda herida. General Bashir Abdi Mohamed a bisa reportero na Mogadishi cu e auto cu e prome bom a explota cerca di un base di siguridad na e palacio presidencial, y ta responsabel pa 9 morto. E di dos auto cu explosion a mata otro chauffeur y su complice riba un caminda cerca di aeropuerto.
Al- Shabab tin custumber cu mayoria di biaha ta ataca e capital. El a bisa cu e bom mester a explota na e prome liña di siguridad di aeropuerto y e palacio. E aeropuerto ta e cas di oficina diplomatico. Palacio ta frecuente e obhetivo di al-Shabab.
“Mi tabata na un distancia ora cu mi a tende explosion y mi a wak hende morto, incluyendo dos muhe, un pasahero y dos homber, kende tabata mustra mayor di edad. Hopi teribel”, testigo Hussein Mohamed a bisa AP. Al- Shabab tabata responsabel pa e bom den truck na october 2017. E suceso ey a mata mas di 500 persona, y ta considera un di e atake extremista cu mas morto despues di atake di 9/11.
Den un rapport pa e conseho di siguridad di Nacionnan Uni, Antonio Guterres a nota un crecemento den operacion di siguridad, ‘y un cifra halto di atake aereo riba base di entrenamento y punto di encuentro di al-Shabab’, cual nan ta considera a degrada su capacidad di opera y libertad di movemento.
Gureterres a bisa cu Somalia ta haciendo progreso pa construi un estado di funcion despues di 3 decada di guera civil, atake extremista y escasez di alimento, sinembargo ta bisa cu insiguridad, instabilidad politico y corupcion ta keda reto mayor.
