Mi hendenan, boso t’ey si? Debate, bomboshi, dreadlocks, politiconan nobo, cos ta mustra picante. Pero bon ban papia, paso redo tin. Min por papia mucho di e debate pasobra mi no a wak e. Pero mi “circulo” ta impresiona cu e meneer Ricardo Croes. Nan di cu e tabata tin hopi punto valido, nan di, no ami, min por husga ainda. Mi tin cu admiti si, cu ta dushi pa wak “status quo” shake un tiki. Ey, un politico homber cu dreadlocks? Suavecito, what’s next? Un politico muhe cu pink hair manera Nicki Minaj? I am ready. Algo cu a yama mi atencion ta cuanto hende a bin pa columnista Rona Coster su cabes ora el a critica Ricardo Croes su dreadlocks, bisando cu e no por tum’e na serio. Incluyendo ami. Boso sa dicon? pasobra den pura y rabia pa e discriminacion a base di fisico manera tur otro hende, mi prome instinto tabata “this is not right” y mi a bisa esaki. Pero despues mi a bay pensa un poco mas leu. Kico si Ricardo tabata un hende muhe?

Michelle Hooyboer no a pasa full su carera como politico ta wordo critica pasobra e ta un muhe cu den sociedad su wowo ta “mucho bunita”. Nan no a yam’e tur cos left and right? E no tabata e asina yama “popchi Canades” cu no sa di nada. E ta pret cu pa Michelle su fisico tabata haci cu pa hende e no tabata mustra capaz. Y cu Ricardo e echo cu su fisico no ta klop mucho cu nos idea di un politico, e ta wordo defendi. Yiu, mi mester a bay haci hopi introspection y papia cu mi mesun bais. Pakico nos ta duna hombernan asina hopi pas’e? Pakico te hasta ami cu ta hura di ta un feminista ta muri a actua desde impulso.

Awo mi ta sinta bek y mi ta pensa, bosa, Dushi. Laga e mesa bira y laga un homber wordo critica pa su fisico, pasobra mi ta sigur cu pa un hende muhe niun excepcion lo a wordo haci. Sexismo den politica 101. Ata un ehempel bibo ey. Y den tur esey, despues di admiti mi mesun estupidez di papia pa loco cos robes, ban discuti con lihe tur cos ta pasa nos dilanti awendia. E ta manera cu no sa lubida pa tuma un momento pa laga cosnan “sink in” den manera di bisa. Un otro ehempel aparte di esun di mi, awe un artista a lansa un album y ya ma- ñan mil y un escritor a saca analisis y critica riba dje, bo ta cuestiona si berdad el a laga e musica papia, si el a tende of el a sinti. Awo, den e fancy world di escritor nan no ta ni yama nan essays, ni articulo, ni analisis mas awo ta “think piece” nan ta. Leuk, mayoria no ta ni tuma tempo pa pensa. Hende ta lubida cu tin un diferencia entre ta critico y pensa den un manera critico. Bo por critica pa critica, of bo por ofrece critica cu tin proposito.

E concepto di laga algo para pa un rato y wak e di diferente angulo ta parce algo di siglo anterior. Ta berdad tur hende tin derecho di bisa locual nan kier bisa, pero kico ta pasa ora bono por construi un opinion na drechi prome cu bo tire online pa poco share y likes? Boso no ta wak tur e hendenan den nos comunidad cu tin yen siguido pasobra segun nan “nan ta bisa locual tur hende ta pensa pero tin miedo di bisa” mientras cu mayoria di biaha nan opinion ta djis fit status quo y no ta ni cuestiona esaki. Un hende poco popular ta post “Pueblo merece un politico honesto” tur hende den e comment section.

“YES” “PREACH!!! 100%” y ami ta akinan, uhm, esey ta common sense. Bo no ta haya un cookie di mi, sorry. Sopi pura ta sali salo, pero kico ta pasa ora nos bida cotidiano ta draai rond di fast service? Ora nos literalmente ta gusta pa e sopi ta pura paso lunchbreak ta net 30 minuut y despues di 5or ora nos caba di traha, ta net par di ora pa relax prome cu bay drumi. Kico ta pasa ora nos kier locual nos kier y nos kier e awo? Come sopi salo numa y muri di presion halto? Tin hende cu ta fast thinkers esey ta berdad, pero ta un fast thinker no ta iguala na un critical thinker. Mi no ta un gran fan di academia, tur hende cu ta volg mi sa esey. Universidad kier mi pensa pafo di e box, pero tur les tin un manual y tur examen ta multiple choice. Pero mi no por nenga cu el haci di mi un persona cu ta stop y pensa un tiki mas duro si. Un bon amiga di mi a bisa mi un dia cu te hasta berdad ta obhetivo. Cu ora bo ta sinta na final di un mesa, bono por wak e bista cu esun sinta memey di e mesa tin.

P’esey bo tin cu warda esun cu ta memey di e mesa papia tambe, pa bo por haya su perspectiva. Mi hendenan, tin hopi poder den papia, pero tambe tin poder den sinta y scucha. Den sinta y cuestiona, den sinta y pensa, den dialogo cu un hende no necesariamente ta comparti mesun opinion cu bo.

Pues, diaranson bay kibra siman cu un chill na un bar somewhere y purba di cuminsa un conversacion unda bo ta scucha mas cu bo ta papia. Bo lo ta sorprendi cuanto perspectiva nobo bo lo haya.