Segun informacion di vocero di Cuerpo Policial di Aruba, Liliana Rasmijn, awe diabierna pa 4:45, e team di aresto a detene e sospechoso R.C.S.B. naci na Colombia di 42 aña den Koningstraat.
Ta asina cu e persona aki ta wordo sospecha di varios atraco riba negoshinan. Atraco Team a traha dia y nochi y a bai over na pidi pa su detencion y awe tardi esaki a tuma lugar. Na momento cu team di aresto a topa cu e sospechoso e tabata tin dos persona hunto cu ne. E sospechoso tabata traha tambe como taxi pirata. E dos personanan wordo deteni tambe pero despues nan a wordo laga den libertad.
Atraco team a bay na un cas na Montaña na unda e sospechoso ta biba y a haci un buskeda na e cas. A usa e cacho di K-9 . Atraco team ta keda traha pa asina resolve loke ta e atraconan. Crimen no ta paga paso bo lo ser gara.
Cuerpo Policial ta pidi pueblo pa keda yama tiplijn 11141 y laga bo informacion.
Bo anonimidad ta garantisa.
