Bon Dia a ricibi informacion cu e sospechoso cu a tira e dos bouncer di Olde Molen ta un homber, color cla y yen di tattoo. Tambe e ta un conocido di polis y aparentemente ta bay bou e nomber Yellow. Polis no kier confirma si en berdad ta buscando e persona aki. Te awor nan no a duna niun declaracion riba persona envolvi.
Informacion haya na e sitio ta indica cu lo tabatatin problema basta rato cu e Yellow aki. Dado momento e lo a bay ‘otro banda di caminda’, y bin bek cu un arma. Despues el a yega para dilanti e bouncer nan y cuminsa tira.
Fuera di e dos bouncer, uno a muri, cu a wordo tira, un hoben di 21 aña tambe a keda bati pafo. Aparentemente un grupo ta culpabel di esaki y Yellow posibelmente ta forma parti di e ‘gang’ aki.
