Esnan cu ta sospecha di a baha e avion Malaysia Airlines MH17 na Ukraine den 2014, ta bay dilanti di corte na Hulanda. Hulanda a confirma esaki y laga sa cu lo continua cu cooperacion internacional riba e caso.
E decision aki a sigui despues cu a bin un peticion pa trece e caso na un corte internacional , cual a wordo blokia door di Rusia na 2015. Hulanda ta laga sa cu e sospechosonan, kende no a wordo nombra publicamente ainda, lo wordo trata bao di ley Hulandes. 298 persona a perde nan bida ora cu e avion aki a cay parti oost di Ukraine. E avion a inclui hende for di 17 diferente pais, 196 di nan tabata Hulandes.
