(NLTimes) – Un situacion sospechoso y menasante na e ruta A2 den bisindario di Amsterdam a causa un blokeo di un (1) ora di mas o menos 25 kilometer desde 1:30pm riba diahuebs.

Reportero di crimen Hulandes John van den Heuvel, ken tin basta tempo bao di proteccion di polis caba, tabata coriendo riba e ruta aki ora cu otronan a aparece ta persigui su persona, un fuente anonimo di polis a conta e corant AD.

E vehiculonan den e persecucion a inclui un Audi y varios brommer. E logra para e Audi danki na un unidad special di polis, pero esunnan riba brommer a logra evadi autoridadnan cu velocidad halto. Un persona a ser aresta ora cu e Audi a para.

“E ta berdad cu tabatin un incidente rond di Amsterdam awe tardi, den cual mi ekipo di siguridad a sigui un protocol di precaucion y extra medida di siguridad a ser tuma,” van den Heuvel a conta AD y ANP ora cu a puntra su persona tocante e incidente. “Cuerpo policial ta conduciendo investigacion y tin varios confiansa cu esaki ta ser haci manera mester ta.”

E reportero a ser saca for di e situacion y hiba oficina di cuerpo policial na Driebergen, mas o menos 20 kilometer leu di unda a logra para e Audi. E A2 a ser cera den ambos direccion den e area, y un ekipo grandi di polis a tuma posicion fuera di e edificio. Helicopter tambe a circula e area pa mas di un ora.

E edificio di Driebergen ta unda cu e unidad Nacional di cuerpo policial Hulnandes, incluyendo oficialnan DSI cual ta lidia cu incidentenan relaciona cu atakenan terorista, preocupacionnan di siguridad inmediato y unda actividad criminal cu ta rekeri ekiponan di apoyo tactico. “Esaki tabata e luga mas cerca y mas sigur na e momento ey,” van den Heuvel a conta AD.

6 luna pasa, reportero Hulandes di crimen Peter R. de Vries a ser asesina na Amsterdam despues di a sali for di un studio di television den e centro di e ciudad. Fiscalnan ta kere cu e atentado den su contra tabata pa motibo cu su persona tabata testigo di gran importancia den e caso contra supuesto criminal Ridouan Taghi, unda cu ta acusa su persona di varios homicidio y plan di asesinato. Den october, hefe di polis Frank Paauw a comenta cu lo sosode atakenan similar den futuro.

Preguntanan tocante e pasonan cu a ser tuma y si esakinan tabata adecua pa proteha De Vries ta bao investigacion pa e Dutch Safety Board.