E prome vuelo comercial di SpaceX a drenta den orbita diaranson anochi cu cuatro amateur abordo y nan sponsor biyonario, e salto mas ambicioso te awo den turismo espacial.
Tabata e prome biaha cu un astronave a circula Tera cu un tripulacion completamente amateur y sin astronauta profesional.
E dos homber y dos muhe di e capsula Dragon ta bay pasa tres dia bayendo rond di e planeta na un orbita inusualmente halto – 160km mas halto cu ISS – prome cu cay den costa di Florida durante weekend. Ta e prome intento di fundador Elon Musk den e competencia pa dollar di turismo espacial.
Biyonario lider di e vuelo, Jared Isaacman ta e tercer biyonario pa lansa e berano aki, siguiendo Richard Branson di Virgin Galactic y Jeff Bezos di Blue Origin. Apenas cu 38 aña, Isaacman a crea su fortuna di un compania di proceso di pago cu el a crea durante su adolecencia.
Den e vuelo nombra Inspiration4 tambe tin Hayley Arcenaux (29), sobreviviente di cancer di weso infantil kende ta traha como dokter assistent na unda el a ricibi tratamento
— St. Jude Children’s Research Hospital na Tennessee. Isaacman a priminti $100 miyon di su propio placa na e hospital y ta buscando otro $100 den donacion. Arcaneaux a bira e Mericano mas jong den espacio y tambe e prome persona den espacio cu prostesis, un bara di titanium den su pia. Tambe abordo: ganadornan di concurso Chris Sembroski (42) y Sian Proctor (51).
