Sri Lanka: Mas di 140 morto den atakenan terorista riba iglesia y hotel

E gobierno di Sri Lanka a raporta di tin identificacion pa loke ta e sospechosonan di e atakenan terorista cu a ser haci riba 6 diferente iglesia y hotel, na cual por lo menos 140 hende a muri y otro 400 a keda herida. “Nan lo wordo gara mas lihe cu ta posibel”, Minister Wijewardene di defensa a expresa durante un conferencia di prensa.

E Minister ta bisa cu nan ta tumando tur pasonan necesario pa evita cu extremistanan na nan pais por haci loke cu nan kier. Un di e pasonan cu a tuma ta introduccion di un holoshi di anochi, cual nifica cu pa cierto ora niun hende mag di ta mas riba caya. Tambe nan a pone interupcion na diferente medionan di comunicacion manera entre otro Facebook y WhatsApp.

E motivacion tras di e atekanan ta ainda ta desconoci. Mainta trempan a habri na Colombo, e ciudad principal di Sri Lanka, cu explosion na un iglesia Catolico y tambe na tres hotel di 5 strea. Despues mas explosion a sigui na dos otro iglesia, un na e parti nort y e otro na e parti oost di Colombo. E atakenan riba e iglesianan a tuma luga durante sirbishi di Pasco Grandi.

Mas informacion ta sigui despues.

You May Also Like

Filipinas: Bom den catedral Catolico ta causa 20 morto

Dos bom cu a explota den un lapso di par di minuut a destrui ...

aptopix-police-shootings-protests-dallas.jpg

Snipers ta mata 4 polis den protesta na Dallas,Texas

Update: 5 polis a muri. E ‘sniper’ a wordo identifica como Micah X Johnson. ...

Mas reclamo di abuso sexual entre Boy Scouts

Anuncio di abogado cu ta busca agresivamente cliente pa presenta demanda di abuso sexual ...

Astronauta Mericano lo pasa 11 luna den espacio, kibrando record femenino

Un astronauta di NASA lo pasa casi un aña den Stacion Espacial Internacional, kibrando ...

Victima di abuso sexual mester entrega celular pa polis

Polis na Inglatera y Wales ta distribuyendo formulario di permiso, urgiendo victimanan di abuso ...