Hopi lector pa awo sa cu mi a critica, den un manera hopi abierto, pa basta tempo, varios bes e institutonan cardinal na Aruba, manera Bureau Economische Zaken, Centrale Bank van Aruba, y Aruba Tourism Authority. Den varios di mi columna a alerta lector riba e posibilidad grandi di un crisis di “Stagflation” global, esta un situacion cu crecemento economico ta cay, y na mesun momento inflacion ta subi. Bes riba bes nos a tende di nos ultra-kader cu esaki no lo ta e caso, of cu e lo val mee, y cu eigenlijk no mester preocupa nos mes.
Den e columna aki, nos no lo haci un analisis, pero simplemente duna un resumen di noticia financiero internacional di fuentenan di caliber halto. Nos lo laga e lector mes yega na su conclusion. Mi lo bisa si, cu mi ta hay’e masha frapante y tambe profundamente preocupante, cu tur nos institutonan di mas cardinal, cu tin staff y recurso inmenso no por a pronostica publicamente esaki, y un analista politico neutral na cas si.
Nos mester si como pueblo, puntra nos mes, con por ta posibel cu esaki por sucede?
