Siman pasa, manera a publica riba nan pagina di Facebook, Stichting Rancho a inicia cu un instalacion di un sensor di calidad di aire.
E proyecto aki, den colaboracion cu Metabolic Foundation y su tecnico, Sr. Stephen, ta encera e instalacion di un sensor di calidad di aire (Air Quality Sensor) cu ta bay duna data 24 ora pa dia, 7 dia pa siman, na e plataforma di Maneho di Desperdicio di Rancho, Oranjestad (Waste Management Rancho Oranjestad, ARUBA.)
E fundacion a indica cu pronto lo tin mas informacion riba e desaroyo di nan actividadnan den Rancho.
Di su banda, Metabolic Foundation recientemente a clausura nan proyecto Surfside Science. Den e proyecto aki a recauda data tocante calidad di aire, calidad di awa, ademas di data importante tocante lama y costa di Aruba. Por haya mas informacion tocante Metabolic Foundation riba nan pagina di Facebook, y pa haya sa mas di Surfside Science, por bishita https://science.brenchies.com/en.
