Stichting Rancho y Arutram a firma acuerdo

Recientemente director di Arutram Teo Croes y presidente di  Stichting Rancho, Clifford Rosa a firma un Memorandum of Understanding, un acuerdo pa sondea colaboracion.

Pa algun tempo caba Arutram ta mirando e posibilidadnan pa mehora y expande e servicio cu ta brinda na tanto local como turista. Esaki ta segun e comunicado cu nos a ricibi di Arutram.

Cultura y historia ta un parti importante di un pais y nos isla ta hopi rico den esaki manera a menciona ariba. Arutram ta trahando pa por yega na e punto cu por comparti e rikesa aki di centro di nos isla cu tur usuario, concentrando riba e ruta cu e tramnan ta core.

Esaki ta e prome paso den varios otro cu Arutram ta tumando pa mehora e calidad di nan servicio na cada un di su usuarionan.

Den mundo actual e interes pa loke ta cultura y historia ta creciendo drasticamente. Turistanan ora bishita un luga kier conoce mas di e raiznan di e luga, pero tambe nos propio hendenan kier sa mas di loke ta nos mesun historia y nos mesun cultura.

Teniendo na cuenta e puntonan di salida aki y mirando e rikesa cultural y historico cu tin den centro di ciudad, a tuma e decision di bay den e direccion aki.

Stichting Rancho pa hopi aña caba ta dedicando nan mes na documenta e historia di e parti aki di nos isla y e ayudo cu nan por brinda Arutram pa logra e meta ta uno masha grandi mes.

Asina por bisa cu intencion di e acuerdo aki ta pa hisa e nivel di conocemento di trahadonan di Arutram pa loke ta e area di operacion di Arutram y den cuadro di nos herencia historico y cultural. Di e forma aki trahadonan di Arutram lo por duna e informacion mas corecto y al caso pa tanto e turista como e local cu ta haci uzo di e tramnan.

 

You May Also Like

SADA: ‘Ainda falta alrededor di 60 duanero mas pa opera eficientemente’

Presidente di sindicato di duana (SADA), Edward Maduro a bisa cu Duana a wordo ...

situacion trahado F&B Riu hotel Br.jpg

FTA ta desaproba cualkier medida di Riu hotel contra trahadonan di F&B cu a protesta

Sindicato FTA ta spera cu gerencia di Riu hotel no bin cu  medida disciplinario ...

‘Un dolor y un presion na mi cabes cada bes mi inyecta’

Pashent cu Multiple Sclerosis: Den parti di Salud Bon Dia Aruba a acerca dos ...

FTA speransa ley 1613x (NP).JPG

Union Sindical di Aruba ta bibito y trahando lista di puntonan di atencion

E bloke sindical ta bibito bibito. Lider di FTA, sr. Hubert Dirksz a declara ...

LOGO NOBO BON DIA ARUBA JAN 2016.jpg

Bon Dia Aruba ta busca un: Redactor Ehecutivo

E corant Bon Dia Aruba ta cay bou di e compania Caribbean Speed Printers ...