Un studiante femenino di 16 aña di edad, a wordo tira cu un arma di candela dilanti su compañeronan di scol, den e parkeer di bicicleta diamars, segun polis.
Un sospechoso di 31 aña di edad a keda aresta poco despues di e tiramento na e scol, cual a keda identifica pa medionan local como Rotterdam Design College. Polis a bisa den un declaracion cu e victima, y e sospechoso masculino kende a wordo aresta como dos kilometer leu di e scol, tabata conoce otro, pero no a duna detaye di nan relacion ni un posibel motibo pa e asesinato.
Un cantidad di persona, incluyendo studiantenan, a presencia e atake, vocero di polis Yvette de Rave a bisa noticiero nacional NOS. E tiramento a pasa menos di un siman despues cu muhe Mericano, studiante di psichologia, a wordo hinca mortalmente den su apartamento. E sospechoso den su asesinato a wordo aresta siman pasa.
Posesion di arma ta altamente restringi na Hulanda, y mayoria di tiramento cu ta tuma luga na e pais ta conecta na disputa di poder entre gruponan criminal.
