Victima Juan Pablo Pernalete
Victima Juan Pablo Pernalete

Studiante Juan Pablo Pernalete a muri un luna pasa pa medio di gas lacrimogeno cu Guardia Nacional di Venezuela a tira riba dje, segun PG di Venezuela ta confirma ayera durante un rueda di prensa. E hoben a mri di cardiogenic shock despues di haya impacto cu e obheto riba su pecho. Varios oficialnan gubernamental ta bisa cu e hoben a wordo mata door di algun homber desconoci cu tabata arma.

Venezuela ta ketobay mirando protestanan contra gobierno casi tur dia actualmente desde e luna di April.  Pa locual ta e caso di hoben Pernalete, fiscal ta bisa di lo spera di por identifica e oficial cu a uza e obheto cu a kita bida di e hoben aki den e dianan nos dilanti.