Studiantenan y staff di scolnan rond Merca ta conmemorando e tiramento fatal cu a sosode algun siman atras na un scol na Florida. Nan a dicidi di haci un ‘walk out’ nacional net un luna despues di e sucedido na Florida. Nan a sali for di nan les pa 17 minuut den memoria di e 17 personanan cu a perde nan bida na Marjory Stoneman Douglas High School.
Studiantenan a brasa otro y algun lagrima a wordo comparti.
Organisadornan di e protesta ta acusa Congreso pa a faya den resolve violencia cu arma di candela.
Cas Blanco na Washington a revela un plan e siman aki cu lo mester yuda cu e fenomeno di tiramento na scolnan anto e no ta inclui pa hisa edad di esnan cu kier cumpra cierto arma. Sinembargo, Washington ta moviendo mas dilanti cu e proposicion controversial pa staff di scol cuminsa haya training di arma di candela.
Fuente: BBC
