Den e dianan aki, un gran cantidad di hobencitonan ta haciendo uzo di Biblioteca Nacional Aruba (BNA). Ayera mainta por ehempel, tabatin un biblioteca completamente yen.
Directora di BNA, Astrid Britten a declara na Bon Dia Aruba cu ya e studiantenan a drenta den e periodo di S.Enan of examen general cu ta tumando luga actualmente den tur scol, y no solamente na nivel di Colegio (HVO/VWO).
“Nan ta haciendo uzo intensivo di Biblioteca Nacional pa studia y pa ta bon prepara,” el a bisa.
Como biblioteca, nan ta contento cu e presencia di nos studiantenan. BNA ta habri pa nan, pa asina brinda e facilidad pa nan por bin studia. “Ya cu nos ta considera esaki e cas pa e studiantenan por haci bon uzo di nos biblioteca,” el a declara.
