(AP) — E entrega mas recien di Northrop Grumman pa Stacion Espacial Internacional (ISS) ta inclui pizza pa 7 persona.
E nave di cargo Cygnus di e compania a despega for di costa oriental di Virginia riba diamars. E mester yega ISS riba diamars. E cargamento di 3,700 kilogram ta inclui appel, tomati y kiwi fresco, ademas di un kit pa pizza y smorgasbord di keshi pa e shete astronauta na e stacion.
Tambe abordo: un bracket nobo pa e halanan solar lansando na e laboratorio den orbita proximo aña, un material simulando santo y tera lunar, cu lo ser usa pa crea obhetonan usando e 3D printer na e stacion, beskem pa un experimento educacional Frances yama Blob, y un aparato pa detecta infrared como un prototipo pa tracking di satelite den futuro.
Esaki ta e di 16 lansamento di suministro di Northrop Grumman pa NASA y esun mas grandi te awo. E raket Antares di e compania a lansa e capsula for di e Facilidad Wallops di NASA.
“Aloha na e S.S. Ellison Onizuka”, Northrop Grumman a bisa via Control di Lansamento algun minuut prome cu e lansamento. A nombra e capsula pa Onizuka di Hawaii, e prome Mericano Asiatico den espacio, kende a fayece den e desaster di lansamento Challenger na 1986.
E otro proveedor di NASA, SpaceX, lo manda un cargo dentro di algun siman. ISS actualmente ta cas di tres Mericano, dos Ruso, un Frances y un Hapones.
