Diana Lacle ~ Summer Bike Vibes
Young interperneur y doño di Summer bike Vibes, Diana Laclé ta conta Bon Dia di e concepto “Summer bike Vibes”, un actividad social y turistico cu ta duna participantenan e oportunidad pa core un bicicleta y na mes un momento disfruta di e medio ambiente.
E bicicleta tin e maximo capacidad pa diescuater persona, cu movecion di pia ta hiba e bicicleta pa dilanti “Human Pedal Power”. Tin un bateria cu ta charge na e momento cu tin movecion. Ora e participante kier tuma un break, por cende e bateria unda e bicicleta lo core den maximo 20 kilometer pa ora. Summer Bike Vibes ta un “group-oriented rental amusement activity”, similar na un party bus pero e ta un party bike. Cu semper ta wordo controla door di un trained driver. Prome cu participa na e actividad ta duna un splicacion di e siguridad y reglanan na tur participante.
A haci investigacion y busca informacion tocante reglanan di siguridad pa actividadnan na Aruba. A tuma contacto cu diferente organisacionnan pa asina haci tur cos manera mester ta Sra.Laclé ta bisa.
Concepto nobo na Aruba
Sra. Laclé semper tabata tin e soño pa bin cu algo innovativo cu un bon mensahe su tras. Tempo a haci un estudio na Hulanda a haya e oportunidad pa experencia actividadnan riba bicicleta na Hulanda cu ta tumando luga den henter Europa. Dicon no tin un actividad asina na Aruba, unda tin turista y paisahe bunita? Sra. Laclé ta bisa. Asina a bin cu e idea pa trece ‘summer bike vibes’ na Aruba.
Aruba tin hopi actividadnan turistico, hopi di nan ta causa daño na lama of Aruba su medio ambiente. Summer Bike Vibes ta un actividad pa localnan y turistanan cu ta bishita e isla. E Actividad tin un “Eco friendly” mensahe su tras, unda e “carbon footprint” ta hopi menos compara cu otro actividadnan cu tin na Aruba. E actividad ta tuma luga den dia y anochi, depende e orario cu participantenan ta desea. E orario di bahada di solo ta faborito y ta wordo pidi masha hopi. E ruta di e actividad ta core for di ‘hotel area’ pasando den Eagle Beach y bay bek. Tambe tin e ruta cu ta sali for di Malmok y Cruiseschip Terminal.
Cada dia tin mas interesado ta participando cu e actividad di Summer bike Vibes. Awo tin 5 actividad ta tuma luga pa siman, e meta ta pa keda crece y laga mas publico conoce e actividad deportivo aki. Pa mas informacion por subi riba e facebook di Summer Bike Vibes of tuma contacto na +297 630 7753.
