(AP) – Un super computer nobo nombra na honor di e ganadora di Nobel Prize den kimica lo yuda podera tecnologia di inteligencia artificial y descubrimentonan cientifico for di un seronan riba University of California, Berkeley, segun oficialnanfederal a bisa diahuebs.
Secretario di Energia Mericano Chris Wright a anuncia e proyecto diahuebs banda di ehecutivonan for di creador di computer Dell Technologies y CEO di Nvidia Jensen Huang.
E sistema di computer nobo na Lawrence Berkeley National Laboratory lo ser yama Doudna despues cu profesor di Berkeley y biokimico Jennifer Doudna, ken a gana un premio Nobel den 2020 pa su trabao riba e tecnologia pa edita gen CRISPR. E ta den plan pa cende proximo aña.
“Un di e usonan clave lo ta investigacion den gen,” Dion Harris, un ehecutivo di producto na Nvidia su AI y division di computer, den un entrevista. “E ta basicamente djis un elogio na su contribucionnan den e sector.”
Dell tin e contract cu e departamento di energia pa construi e computer, cual lo ta esun mas recien di yega Berkeley Lab’s National Energy Research Scientific Computing Center. Computernan anterior ta nombra na honor di otro ganadornan di premio Nobel manera: Saul Perlmutter y Gerty Cori.
Te ainda no ta cla den ki posicion e computer lo cay den e TOP500 di e supercomputernan mas lihe na mundo. E computer top actual ta El Capitan, cual ta na Lawrence Livermore National Laboratory. Esaki ta sigui pa otro supercomputer na laboratorionan nacional Mericano den Tennessee y Illinois.
