(AP) — Un dia despues cu un tormenta tropical poderoso a inunda decenas di hogar y a converti caya den riunan di lodo, Sur Korea a presenta un enorme concierto di K-pop na Seoul pa 40mil Scout kende nan Jamboree global a keda interumpi pa clima.
E concierto ayera na un stadion di futbol muha a conta cu varios presentacion, incluyendo grupo NewJeans y Ive. Oficialnan di gobierno a organisa e show rapidamente como e evento di clausura di e World Scout Jamboree. El a yega mientras e pais a cuminsa haci limpiesa y reparacion despues di e tormenta Khanun, cu a bati e regionnan sur y oriental di e pais cu awasero intenso y biento cu a forsa miles pa evacua y a laga al menos un persona morto despues di subi tera diahuebs trempan.
Khanun a debilita pa ora a yega den e area metropolitano densamente pobla di Seoul diahuebs anochi, y a bula bay den Nort Korea diabierna trempan como un depresion tropical.
A tene e Jamboree na un campsite den costa prome cu Khanun a forsa esfuersonan masivo di relocacion pa alberga e Scoutnan na dormitorionan di universidad, centronan di training gubernamental y corporativo, y hotel den region di Seoul y areanan cercano.
Hasta prome cu e tormenta efectivamente a cancela e Jamboree, organisadornan a haya problema pa continua e evento den un ola di calor y problemanan di higiena cu a resulta den miles di Scot Mericano y Britanico bandonando e campsite trempan. E retironan aki tabata un contratempo den PR pa un pais cu continuamente ta busca e reconocemento cu eventonan internacional grandi ta trece cune. E concierto ayera a bin despues di esfuersonan frantico di gobierno pa duna e Jamboree un final adecuado.
