(AP)—Sur Korea a lansa exitosamente su segunda satelite di spionahe den orbito, algun dia despues cu Nort Korea a reafirma su plan pa lansa varios satelite di exploracion e aña aki.
E dos Koreanan a lansa nan prome satelite aña pasa—Nort Korea den november y Sur Korea den december—entre animosidad aumenta. Nan a bisa cu nan satelite lo aumenta nan habilidad pa monitoraia otro y engrandece nan mesun capacidad di atake misil.
E ministerio di Defensa Sur Korean a bisa cu e a confirma cu e satelite a drenta orbito y a comunica cu un stacion na Tera despues di a separa for di un raket. “Cu e exito di e segunda lansamento di e satelite di spionahe, nos ehercito a adkiri un otro habilidad di monitorio independiente y a sigui fortalece nos capacidad di ‘kill chain’,” segun vocero di e ministerio JeonHa Gyu a conta reporteronan, referiendo na e capacidad pa atake di misil.
Bao di un contracto cu SpaceX, Sur Korea mester lansa cinco satelite di spionahe pa 2025. E prome satelite a ser lansa dia 1 di december aña pasa y a ser fabrica na e Vandenbert Space Force Base na California.
Den 2022 Sur Korea a bira e di dies nacion na mundo pa lansa un satelite cu su mesun tecnologia por medio di usa un raket traha na cas pa pone loke el a yama un “satelite pa observa prestacion” den orbito. Pero expertonan ta bisa cu ta economico pa usa un raket di SpaceX pa lansa satelite di spionahe y cu Sur Korea mester mas lansamentonan pa sigura e confiabilidad di e raket.
Nort Korea tambe ta pura pa adkiri su mesun netwerk di monitorio espacial pa por combati cu loke e ta yama menasanan militar for di Merca y Sur Korea.
Despues di nos fracaso pa lansa na comienso di 2023, Nort Korea a pone su satelite Malligyong-1 den orbito dia 21 di november 2023. Desde e tempo ey Nort Korea a bisa cu su satelite a transmiti imagen cu bistanan espacial di sitionan clave na Merca y Sur Korea,incluyendo e Cas Blanco y e Pentagon. Pero e no a publica ningun di e imagennan ey, y expertonan ta duda di e satelite Nort Koreano por transmiti imagen militarmente valioso.
Dia 31 di maart, Pak Kyong Su, vice-director general di e National Aerospace Technology Administration na Nort Korea, a bisa cu ta anticipa cu e nacion lo lansa varios mas satelite di exploracion e aña aki, durante un conferencia politico clave fin di december, lider Nort Koreano Kim Jong Un a priminti pa lansa tres satelite di spionahe den 2024.
