Home Deporte SV Britannia a perde su protesta contra SV Estrella

SV Britannia a perde su protesta contra SV Estrella

306

Arubaanse Voetbal Bond (AVB) a ricibi un protesta for di SV Britannia dia 21 di mei ultimo, nan a protesta contra e wega di dia 18 di mei 2018 contra di SV Estrella pa un hungado ‘ilegal’. Comision di Apelacion a dicidi otro asina cu Britannia ta perde su protesta, esaki AVB ta informa awor.

E wega concerni Britannia a perde 2-0 contra Estrella. Despues di a verifica e protesta entrega, AVB a dicidi di no duna SV Britannia rason.

SV Britannia a apela e decision di AVB y a dirigi un carta na Comision di Apelacion. Comision di Apelacion a tuma e decision di ratifica e decision di AVB tuma dia 21 di mei 2018, unda a duna Jean Pierre van der Linden (e hungado ‘ilegal’) e carnet pa hunga cu SV Estrella. Esaki ta pone cu SV Britannia a perde su protesta.

Cu e decision aki awor, AVB lo mester ahusta e agenda di weganan pendiente, pa por hunga e wega pendiente ainda cu no a hunga diabierna ultimo.