Home Deporte SV Britannia / Frisian Flag ta gana La Fama 3-1

SV Britannia / Frisian Flag ta gana La Fama 3-1

351

Durante fin di siman tras di lomba tabata tin continuacion di campeonato di AVB ora cu SV Britannia Bright Bakery cu a enfrenta e speransa berdanan di Savaneta den stadion Guillermo P. Trinidad na Dakota.

Den e nan prome wega di prome rond e dos teamnan aki a empata na 3 gol pa banda. E aliniacion di SV Britannia Total Finance tabata como lo siguiente; den gol Arthur Werleman, defensanan; Luis Murillo, Rodymar Paesch, Derwin Donato, Carl Geerman, medio camponan; Johnatan Ruiz, Nino Ulises, Renier Paraez, Luis Estrada y delanteronan; Sebastian Montona y David Castro. Como reserve tabata tin; Moises Castro, Shen Pieter, Estiverne Pierresaint, Ruben Gutierrez, Shaniyka Godoy, Glembert Kock y Leyon Croes.

Cambionan cu a tuma luga ta; Mosies Castro a drenta na luga di J. Ruiz, Estiverne Pierresaint na luga di Rodymar Peasch, Shen Pierter na luga di David Castro, Glembert Kock na luga di Carl Geerman S. Godoy na luga di Derwin Donato. E Wega a cuminsa y mes ora nos por a wak cu SV Britannia Pizza Hut a cuminsa domina e wega y tabata circula e bala bon den defensa y medio campo, den delantero tabata mustra cu SV Britannia Vitamalta ta falta un piesa. Tabata na di 36 minuut cu Luis Coco Estrada cu ta habri e marcado pa SV Britannia Frisian Flag y asina halftime ta bai aden cu e score minimo di 1-0 pa Britannia Bright Bakery.

Den di prome minuut di dos tempo ta Sebastian Montoya kende ta aumenta e score pa haci e wega 2-0 pa SV Britannia Total Finance y tabata na di 86 minuut di wega cu La Fama ta corta bentaha pa medio di un penalty. Ora cu tur hende a kere cu e wega lo bay caba 2-1 tabata Shen Pieter cu a caba di uni su mes cu SV Britannia Pizza Hut cu ta aumenta e score y ta haci e wega 3-1 y cu cual score e wega ta bin caba tambe.