Banco di Seguro Social Aruba (SVb) ta anuncia cu entrante awe a habri un kiosco nobo ‘MiPensioen Kiosk’ na MFA Noord. E iniciativa aki ta forma parti di e esfuerso continuo di SVb hunto cu gobierno di Aruba pa brinda servicio mas accesibel y eficiente na su clientenan.
E kiosco ta situa den edificio di MFA Noord cual ta habri tur dia di 7:30 am te 3:00 pm. Pa por usa e kiosco no mester di coy un number, por drenta MFA Noord, sigui indicacion di e MiPensioen Kiosco y usa e kiosco libremente.
Na e kiosco por obtene e Declaracion di Entrada (Inkomensverklaring) of bo Declaracion Anual (Jaaropgaaf), cualnan por print di biaha sin ningun gasto.
Pa usa e kiosk e cliente cu ta ricibi pensioen di AOV of AWW mester presenta cu su number di AOV. Si no conoce e number di AOV por WhatsApp SVb na 527-2760 (por WhatsApp mensahe so – no por yama) hunto cu e identificacion valido pa ricibi e number di AOV. Por usa e free wifi di MFA Noord pa conecta cu Whatsapp.
Importante: Solamente clientenan cu actualmente ta ricibi un Pensioen di AOV of AWW di SVb por usa e kiosco. E kiosco NO por wordo usa pa esnan cu no ta ricibi pensioen di AOV of AWW, ademas tampoco por wordo usa pa entrega aplicacion pa pensioen di SVb.
Entrante awo, tur dialuna y diaranson parti mainta tin un empleado di SVb presente na e kiosco pa asisti y guia clientenan cu uso di e kiosco.
Pa mas informacion, por bishita nos website na www.svbaruba.org.
Banco di Seguro Social Aruba (SVb)
www.svbaruba.org/pensioen
WhatsApp: 527-2760
